“Weekend”

pagising ko sa umaga agad agad kong minulat ang aking mga mata. Sabay ngiti at dali daling tiningnan ang calendaryo “HAYSSS MARTES PA PALA”. Ang tagal pa ng araw na hihintayin ko para makita na naman kita.

Bakit ba ganito na ako ngayon, hindi naman ako ganito noon? Bakit ba ganito nalang ako ka siglang bumangon? Bakit ba gusto minamadali nalang yung panahon?

Mga ganyan ganyang katanungan ang laging tumatakbo sa aking isipan. Mga katanungang nagpapasigla ng aking nararamdaman. Dahil alam kong pagdating ng bukas ay kusa ko nalang mabigyan ito ng kasagutan.

Pagdating ng biyernes excited na ako Kahit wala pang plano basta’t alam kong may pupuntahan ako. Sabay chat sa mga kaibigan at naghihintay sa itinirary ng grupo.

Anong lugar na naman kaya ang pupuntahan namin? Sino ba ang mga sasama sa amin? Kasama kaya yong taong gusto ko mahalin? Ahh basta hintayin ko nalang ang linggo at ayaw ko nang isipin.

Dumating yung araw na pinaka hihintay ko 6am yung call up time pero alas kuwatro palang andun na ako. Naghihintay at umaasang sana sasama yung babaeng gagawin kong inspiration ko sa bawat mga hakbang ko. Sana makakasama ko sya kahit ngayong araw man lang ng linggo.

Nagsidatingan na halos lahat ngunit wala kapa Saan ka naba o aking princesa?Sana dumating kana para ang summit ay sabay nating makita, Maghihintay ng sunset at sabay mangarap para sa isat isa.

Nagsimula na yung pangamba ko na baka sakaling dika dumating. Sino nalang magpapasaya sa puso kong naghuhumaling. Sana dumating kana yan ang tangi kong hiling.

Tumingin ako sa malayo, laking tuwa ko dahil nasilayan ko ang iyong magandang anyo. Makakasama na naman kita sa araw ng linggo. Mahahawakan ko na naman yung mga kamay mo at sabay na naman nating tuklasin ang napakagandang paraiso.